Co gallo do Prestige, voltamos a comprobar que os políticos andan ao seu e os cidadáns ao noso. Mil días despois daquela desfeita, volven agora coa liorta das responsabilidades políticas, resucitando unhas grabacións que nada achegan nin á opinión pública nin ás autoridades xudiciais.

Despois de todo, ¿non decidimos xa nas eleccións? ¿Quén está agora no goberno y quén na oposición? Pois, entón, que cada quen asuma a súas responsabilidades políticas: as do presente, que boa falla nos fai.

Abonda con lembrar o último manifesto de Nunca Máis: “13 de novembro. Xa van alá tres anos. Estamos preparados para o seguinte, para outro Prestige? Máis de 13.000 barcos con mercadorías perigosas pasan anualmente fronte ás nosas costas. Unha boa parte deles en condicións para a navegación ben parecidas ás do Prestige. Estamos preparados para o seguinte? É clamorosa a falta de actuacións e de medidas que diminúan ese risco. Os medios con que contamos, despois de máis de mil días, dificilmente serían eficaces para paliar unha marea negra ou para actuar dilixentemente no caso dun sinistro similar. Estamos preparados para o seguinte? Estámolo? Non estamos, non”